***********
يا ولاد حارتنا رمضان جانا
والفرحة يا ولاد مش سيعانا
مين يا ولاد هيغني معانا
مين يا ولاد هيصوم ويانا
رمضان جانا رمضان جانا
شهر البركة والإحسان
شهر الصوم والقرآن
خير وبركة من الرحمن
مفهوش مكان للكسلان
رمضان جانا رمضان جانا
اقرا ايضا بقلم /جاد جمعه الحميدي
العفاريت باقت محابيس
علقوا الزينة والفوانيس
شدوا حبالها خلوها نور
خلوا ايامنا هنا وسرور
رمضان جانا رمضان جانا
فرح وسعادة لمانا
في الفطار الكل معانا
والتراويح تجمع لقانا
في السحور الكل ويانا
رمضان جانا رمضان جانا
نصلى الفجر جماعة
ونصلي بعده ضحانا
واللي يشوفنا لازم يهوانا
كلام الله عايش جونا
رمضان جانا رمضان جانا
بقلم الشاعر مصطفى ابوزيد
تعليقات
إرسال تعليق