أنا لا أعلم هل أمشي إليه أم امشي الي حالي ....كلما تعثرت الكلمات فيّ خرجت علي لسانه
الإحتياج كلمة لم أعرف لها توصيف
الإحتياج لم أجدني إلا محتاجة الي ضمهِ فأذوب فيه ثم تمنعني العزة عنه فأكتوي
:بالك يا سيدنا ؛ أنا محتاجتش في حياتي غير حضن عارف يا سيدي الحضن اللي هو ترمي فيه حمولك من غير ما تخاف
تتحس ...حضن ترتاح فيه
انا عايزه اتحضن يا سيدي حضن لا اخاف فيه أني اتأذي ولا اتحاكم ولا اتعاتب ولا اتلام
:عارفه يا بتي عارفه
:جربته ؟
:مره فحياتي ومجاش تاني
:ازاي يا سيدي ممكن نعيش ونموت مشتاقين حضن
:كل الخلايق تعرف تحضن بس مش كلها تعرف تضم
:انا محتاجه ضم يا سيدي
:فكرتيني في حوجتك بيوم كت الأرض مش شيلاني كنت كيف ورقة الشجر الناشفه لو فركتيها ف يدك تبقي رماد وقتها دورت عاللي يضمني وملقيتش دورت عاللي يرويني يمكن أخضر
:ولقيت ؟
:لقيت اللي بتضمني بعيونها بتروي روحي من غير ما تدري ولا تحس
:علي قولتك يا سيدي يمكن مش كل الخلايق بتعرف تضم معاهم عذرهم واحنا ربنا يتولانا مسيرنا نلاقي اللي يجبر الكسر ويضم الروح
مسيري الاقي اللي يضمني ضمة الروح قبل ضمة القبر
:ساعات بتكون حاجتنا فأدينا وموعينلهاش ربنا يكفيكي شر العمي
:العمي ؟
:عمي القلب يا بت قلب الحوجة
:مولانا
:كفي كلام يا بت قلب النور وميلي علي رجلي لاجل ارقيكي خلص الكلام.
بقلم
د.منار عبد الهادي
:
تعليقات
إرسال تعليق