آه يا رايقة
كل حاجة عليك لايقة
لون عيونك
سِحر لونك
طبع الحسن إللي ف خدودك
واللا عودك
وانت ماشية تميلي عايقة
آه يا رايقة
نفسي أسأل يوم جنابك
إي يابت إللي نابك
ياللي روحي فيك دابت
ليه في دلالك ياختي سايقة
آه يا رايقة
نفسي أقهر يوم ظنونك
بس خايف من جنونك
و الغرام إللي ف عيونك
عمري أعيشه ازاي بدونك
آه يا رايقة
السعادة ف عيني غابت
لما عينهم ليك صابت
ياما ناس ع الخلق عابت
وأما دارت يوم وخابت
قامت رجعت تاني تابت
آه يا رايقة
الشعرات في راسي شابت
قلبي عاشق بس ثابت
ع الرجولة وع الثوابت
آه يا رايقة...
نفسي يجي يوم وازورك
يوم ما ترمي توب غرورك
بس تبقى دماغي فايقة
آه يا رايقة
كُل حاجة عليك لايقة‼
بقلم
وحيد صبري
تعليقات
إرسال تعليق