اقرا ايضا إختيار أيمن العشري ممثلا لإتحاد الغرف التجارية بمجلس تحديث الصناعة ..واحمد عبد الحميد لمواد البناء
اقرا ايضاهنا نابل/ الجمهورية التونسية
ان انا بارع في النسيان !
أُستاذ أنا أصلي
في تفادي الأوجاع والأحزان
فبلاش توهمي نفسك
إن انت عصية على النسيان!
وان انا من غيرك تايه
واقف عاجز مستني إشارة
او أشوفك في الحلم معدية
وأقول دي بشارة
بزيادة شطارة
كات صدفة ومش أكتر
ان انا أعدي من نفس الحارة
ده رباط الجزمة اتفك
فربطه وقلت أشربلي سيجارة
ولقيتك جيتي
بطبيعة الحال أنا زاهد فيكي!
مانا عارفك قاسية وغدارة
فبلاش أوهام
إن انت عصية على النسيان!
وان انا بفراقك مشغول
عايش مسلوبة إرادتي
عاجز متهان مشلولة حركتي
أنا عزة نفس وماشية على الأرض
بدرجة إنسان
فبلاش أوهام....
إن انت عصية على النسيان!
بقلم
وحيد صبري
تعليقات
إرسال تعليق