كتب/أيمن بحر
سوريا بتمر الان بأصعب مرحلة فى تاريخها الحديث بلد كانت رمز الحضارة والتاريخ بقت ساحة حرب لكل القوى الدولية والإقليمية.
إسرائيل بتستغل الفوضى وبتسيطر على مناطق جديدة فى الجنوب السورى زى ريف درعا وسد الوحدة وبتتوسع من غير ما حد يوقفها.
القوى الكبرى بقت موجودة في سوريا بشكل مباشر
روسيا _ إيران _ تركيا _ أمريكا _ اسرائيل _ ومعاهم
التنظيمات المسلحة والإرهابية زى داعش والنصرة ودول دمروا البلد وسلموها لقوى خارجية وهدفها الحقيقى بقى واضح تفكيك الدول العربية مش مواجهة إسرائيل.
المستقبل القريب لسوريا والمنطقة التقسيم والتوسع الإسرائيلى إسرائيل هتستمر فى استغلال انشغال العالم وسقوط الدول العربية عشان تسيطر على أراضى جديدة وتفرض أمر واقع.
اللى بيحصل فى سوريا مش بعيد عن باقى الدول العربية، والسيناريو ممكن يتكرر فى أماكن تانية لو ما اتعلمناش الدرس.
الخلاصة سوريا مش مجرد دولة بتنهار سوريا هى إنذار لكل العرب إن الفوضى والحروب الداخلية هي الطريق اللى بتستخدمه القوى الخارجية لتقسيم وتدمير الدول.
الوضع محتاج وعى وتكاتف حقيقي من كل الدول العربية لأن اللي حصل فى سوريا ممكن يتكرر فى أى بلد تانى.
ربنا يحفظ سوريا وأهلها ويرجع لها الأمن والاستقرار ويحمى باقى الأمة العربية من نفس المصير
تعليقات
إرسال تعليق