كتب/أيمن بحر
أنت فاكر يا عزيزى إن كلامى عن سوريا الفترة اللي فاتت كان من أجل بشار أو أنت فاكر إن أنا زعلان عشان بشار !!!
لو فاكر كده تبقى غلطان و ساذج مع الأسف ولا فاهم حاجة ولا عارف ايه اللى بيحصل هناك .. أنا لا يفرق معايا بشار فى اى شئ انا كان يهمني تكون سوريا دولة ولها سيادة حتى لو لبعض الشىء.
من وقت ما عائلة الأسد سيطرت على الحكم في سوريا و سوريا اتفككت من جوة و بقت طائفية و قبضوا ثمن الجولان زي ما السادات رحمة الله عليه قال قبل كده.
أنا زعلان على سوريا نفسها و الدولة السورية اللى راحت و للأسف مفيش أى أمل أنها ترجع مجرد دولة موحدة.
كان يهمنى تماسك سوريا و يكون فى نظام و جيش وطنى مش شوية ميليشيات و مرتزقة بيتحكموا فيها.
نرجع لموضوعنا المهم .. شايف الصورة اللى ماسك فيها نتنياهو خريطة متلونة باللون الأسود ده و هو واقف فى الأمم المتحدة ؟
دي الدول المستهدفة لتحقيق حلم من النيل للفرات و إســـرائيل الكبرى عن طريق تدمير الدول دى ولف الطوق حول مصر اللى هي الجائزة الكبرى ..
هتسألني و تقولي و ايه اللى حصل فى البلاد اللى متلونة بالأسود على الخريطة دى يا چون ؟
هقولك جنوب لبنان تم تدميره أو بمعنى أصح تم تدمير لبنان.. سوريا اتدمرت و سقطت فى ايدى الإرهابيين و راحت فى طريق الاعودة.. المرحلة القادمة هتكون العراق و بنفس الأسلوب اللى اتعمل مع سوريا .. اليمن تحت لو مش واخد بالك فى الخريطة هتكون مسؤولية أمريكا و هيتم تدميرها عسكرياً.
فاضل إيران و دى مش هتكون عن طريق تدخل عسكري ولكن تدميرها هيكون عن طريق الحرب الباردة لأنها كده خلاص بقت كارت و اتحرق و دورها الوظيفى انتهى فى المنطقة و تم القضاء على كل المليشيات التابعة لها.
هل الموضوع خلص لحد كده ولا الأمر لسة فيه كلام تاني ؟
الحقيقة اه لسة فى أهم حتة فى المؤامرة و هى أن الموضوع بيتم بمباركة أمريكية و ده شوفناه فى تصريح لساكن البيت الأبيض الجديد دونالد ترامب لما قال إن مساحة إســــرائيل صغيرة و فكرت ازاى ممكن نوسعها و ده اللي بنشوفه بيطبق على أرض الواقع.
طب ليه فى التوقيت ده بالذات ؟
لان بمجرد وصول ترامب لكرسى الحكم كل الحروب دي المفروض تقف و هيقول ترامب لكل حد اخد حاجة يبقى الوضع كما هو عليه و كان الوقت بالنسبة لإســــرائيل مناسب بعد الهدوء النسبى اللى حصل فى غـــزة و لبنان انها تشعل الحرب في سوريا بعد استقرار الوضع بعض الشىء لمدة 5 سنوات.
و ده الكلام اللى انا قولته قبل كده وقت إعلان فوز ترامب فى الانتخابات أن الشهرين اللى جايين لحد توليه الحكم هيكون أصعب وقت على المنطقة و ىالشرق الأوسط بشكل عام.
افتكر معايا كده الموضوع بدأ فى سوريا ازاى .. من 11 يوم لما نتـــنياهو طلع أثناء كلمته لوقف إطلاق النار مع لبنان و هدد بشار و قاله أنت بتلعب بالنار و شوفنا هجوم الجماعات الإرهــ--ــابية على الجيش السورى.
الجيش السورى فقد السيطرة بمنتهى السهولة و انسحب كالعادة أمام الإرهابيين و ترك مواقعه.
اســــرائيل كانت مستنية اللحظة اللى هيسقط فيها نظام بشار الأسد عشان تعلن إنهيار اتفاق فض الاشتباك منذ 1974 حول الجولان و تستولى على المنطقة العازلة.
اســــــرائيل قررت تحتل منطقة جبل الشيخ السورية و هتنشئ منطقة عازلة هناك.
رئيس الأركان الإســـرائيلى بيعلن بكل بجاحة و غرور أن الحرب ستنتقل إلى سوريا بدءاً من هذه الليلة.
اســ--ــرائيل احتلت 14 كم بعمق الأراضي السورية.
اســــرائيل احتلت 240 كم على طول الحدود داخل الأراضى السورية.
اســ--ــرائيل بتقوم بغارات جوية بشكل مكثف لتدمير ما تبقى من مطارات عسكرية و ما بها من مقاتلات و مخازن ذخيرة و أسلحة فى جميع أنحاء سوريا لتأمين تفوقهم و توغلهم داخل سوريا.
الهدف هو عدم امتلاك سوريا لأى قوات عسكرية و التأكد من تدمير جيشها اللى حارب مع مصر في 1973 و كان من أقوى 3 جيوش في المنطقة.
اســ--ــرائيل دمرت المراكز البحثية و العلمية فى سوريا فى جريمة وحشية لضمان سوريا متخلفة.
اســـرائيل انتهزت حالة الفوضى في سوريا دلوقتي و بتنفذ أغراضها الإستعمارية في توسيع أراضيها.
أبو محمد الجولانى و تنظيمه هيئة تحرير الشام استولى على أسلحة الجيش السورى اللى تركها و هرب الأسلحة دى منها أسلحة دفاع جوى.
تقدر تقولى يا جولانى ماتعملتش ليه مع الطيران الإسرائيلي!!
تقدر تقولى ماصدتش الهجوم و التوغل الإسرائيلى داخل الأراضى السورية ليه ؟!!
ولا ده مش موجود فى التوصيف الوظيفى بتاعك !!
تقدر تقولي ليه دلوقتى إســـرائيل بتحتل أراضي جديدة من سوريا و مكانتش تقدر تعمل كده من 5 سنين مثلاً ؟!!
عشان سوريا كانت دولة و لها سيادة حتى و لو كانت غارقة فى حروب أهلية و الصهاينة مابيحبوش يجازفوا او يتعرضوا لخسائر و عايزين يخشوا على الجاهز.
اللي فرحان و بيهلل بسقوط بشار أنت فرحان بإيه!!
فرحان أن النصر و إسقاط بشار جالك عن طريق إسرائيل ؟!!
المصرى اللى اللى فرحان و عايز يشوف بلده زي سوريا مستنى ايه !! .. مستنى تشوف اهل بلدك بيموتوا في بعض و الجيش الإسرائيلى بيحتل بلدك ؟؟
ايه المكسب اللى كسبته الثورة السورية من سقوط بشار غير احتلال إسرائيلي لبلادهم و نهب البنوك و نزوح الآلاف على الحدود اللبنانية السورية و عناصر مسلحة فى كل حتة لها توجهات لبلد غير التانية ؟؟
الفترة القادمة هتكون الأصعب على الشرق الأوسط و مصر بالتحديد لأن المساجين اللي هربوا من السجون في سوريا دول دواعـــش و عناصر من جماعات متطرفة.
مش كلهم هيستمر فى سوريا و عدد كبير منهم ليهم تكليفات بالإنطلاق نحو ليبيا و السودان و بالتأكيد هيحاولوا دخول مصر و ده هيبقى محتاج شغل كبير من جهاز المخابرات العامة المصرية و المخابرات الحربية و الأمن الوطني أكتر من أى وقت مضى.
تعليقات
إرسال تعليق