معنى الإنسان
تعرف أيه معنى الإنسان..
هو أنه يكون فى قلبه مودة
وأنه يكون فى قلبه حنان
عايش لغيره ومعاه خيره
بينشر فرحه فى كل مكان
بيجبر خاطر وبيخاطر بعمره
وبيرفع أزمه من غلبان
بيروى الورد من أجل المحبة
بيرسم السعادة فى البستان
وفى قلب الصحراء بيزرع خضرة
هتبقى جنة مع مرور الزمان
وبأيد الفرح بيجنى البسمة
بيقدم ضحكة عشان تكون فرحان
تعرف أيه معنى الإنسان ؟
هو اللى بيمحى معنى الخوف
وبيخليك تعيش فى آمان
تسلم من شره وشر قرينه
ما بيسمع وسواس شيطان
تشرب من كفه كاس العشق
بمتعة وشوق وفكر سرحان
تعرف أيه معنى الإنسان؟
الإنسان مخلوق إنسان
أخلاق وشهامة ومبدأ وكيان
نبع أصيل ومبادئ ثابتة
لا يمكن تتغير مع الزمان
تعرف أيه معنى الإنسان؟
الإنسان هو اللى يقدر
وبيحترم مشاعر الإنسان
بقلم السيد محمد
تعليقات
إرسال تعليق