تحيا مصر ومليون تحيه
للى ضحى علشانها هى
تحيا مصر يا جيش بلادنا
اللى رافع راسنا دايما
واللى خلاها بهيه
تسلم الايد العفية
تسلم الضربة القوية
يسلم العقل اللى شايف
بكره أحلى من عشيه
نصرة على كل الأعادي
وللخطر عينه قويه
تسلم يا نسر على العلم
خطك احمر بالعلالي
يفرض إرادة تعتبر
قلبك أبيض جناح حمام
دايما مددها للسلام
وأسود على كل الغجࢪ
نيه صادقه ولما تقسم
حافظ أركان الوصية
تسلم ياللى خليتها دولة
بعد ما كانت وسية
تحيا مصر الف مرة
تحيا مصر ومليون تحيه
تحيا مصر بيك وبيا
تحيا بصناعة بلادي
وفخر علماء البرية
يسلم استاذي اللى علم
وزرع أخلاقه وقيم
ونما موهبتي فيا
تسلم الفاس اللى حفرت
يسلم البالطو اللى عالج
واللى دافع عن حقوقي
وللعدالة مليون تحيه
تحيا مصر ألف مرة
يحيا ١٠٠ مليون وساعد
واللى فاهم القضية
تحيا مصر ألف مرة
تحيا مصر ومليون تحيه
تحيا مصر
الشاعر محمد جلال
تعليقات
إرسال تعليق