لا تدع العائلة التى جئت منها تفسد العائلة التى جائت منك فالأولى قدرك والثانية مسئوليتك

كتبت . د // هبه فاروق 

الأسرة لها دور مهم جدا فى حياة أى فرد ؛ فأى مبادىء .سلوكيات اضطرابات نفسيه ،بنسبة كبيرة . وكبيرة جدا نتاج (تنشئة اجتماعية )؛ فلابد وان نميز بين اسرة الأصل وهى الأسرة التى ياتى منها (الزوج ) فتشمل أبويه وأشقائه ؛ وعند البدء فى تكوين أسرته بعد انفصاله عن أسرته الأصلية بعد زواجه وانجابه اطفال تسمى ( اسره الانجاب ) ؛ وما هى إلا تكرار جبرى لأسرة الأصل حتى لو المستوى المادى والثقافى مختلف ؛ واعلى احيانا الا انها تكرار لشكل المعاملة فالزوج غالبا ما يعامل زوجته كما تعلم فى أسرته الأصلية ؛ وانطبع فى ذهنه فى طفولته مع معاملو أبيه لأمه . ويعاقبها على أخطاء أمه حتى لو لم تفعلها الزوجة ؛ وغالبا يحدث ذلك بطريقة ( لا شعورية ) بل جبرية فالشاب فى بداية حياته يعد نفسه انه لن يعامل أبنائه كما كان ابوه يعامله ولا يعامل زوجته مثل ما كان يعامل ابوه امه ؛ ولكن غالبا وبنسبة كبيرة جدا ياخد نفس نمط ابوه حتى لو بطريقة ( لا شعورية ) بل جبرية ؛ فهذا الزوج يتحول بعد الزواج والأنجاب الى صورة طبق الاصل من أبيه وأحيانا تكون هذه الصورة بطريقة معكوسه تعبر فى جوهرها عن الفعل المعاكس الذى يريد تجنبه ؛ فتتحول القسوه المفرطة الى دلال مفرط وماهى إلا ( قسوة مقنعة ) مثال لتوضيح الفكرة . 

 الأب ومش بيحب الخروج ولا بيخرج الام ولا الاولاد هنا لما يكبر الشاب فى اسره زى دى ويتزوج بيخرج مراته وبشكل مبالغ فيه كده على مستوى الوعى عمل عكس تصرف باباه بس بشرط ما تبقاش مبسوطة يضايقها ينرفزها وكده يبقى على مستوى اللاشعور او اللا وعى نفس نموذج الاب ؛ وهو بيثبت لنفسه على مستوى الوعى انه مش بيتعامل بأسلوب الأب نهائيا .

مثال تانى مهم :

 مش هتلاقى نهائيا زوج بيتعدى بالضرب والاهانة على زوجته إلا لو دا حصل ادامه فى طفولته .

  خلاصة القول :

الزوج بيتأثر بالطفولة وبتربتيه وخصوصا على مستوى اللاشعور والمصيبة الكبرى لو الام اتحملت وكانت بتتقبل دا ؛ مش مهم ليه نهائيا حتى لو نيتها بيتها والكلام دا . ( مش بقتنع بقبول الإهانة من اى شخص مهما كان قربه تحت اى سبب حتى لو كان ايه ) المهم هنا بيبقى احساس الزوج هنا انه لازم زوجته تتحمله وتغفر الإهانة ! دا النموذج الى شافه من امه وانطبع عنده فى اللاوعى بالزوجة المضحية اللى بتحب جوزها وتغفرله والحقيقة عكس كده تماما .

ارجوكم ارجوكم خصوصا البنات الصغيره المقبلة على الزواج ارجوا الإهتمام بالأسرة الأولى ؛ ركزوا كويس مع الأب وكيف يتعامل مع الأم والبيئة التى نشأ فيها الراجل ؛ اللى هتبدى معاه حياتك لان دا هينعكس ضروريا وحتميا مع الأسرة التى تحلمى ان تكوينها بصوره مثالية واطفال اسوياء اتاكدى من سواء الاصل حتى يستوى الفرع .