لما تكونحاكم بامرك
والمنافق يحلف بعمرك
والمنابر تهتف عشانك
والكل خائف عضه سنانك
بص بصه فى المرايا
اعرف ان كل الحكاية
أنك اصلا مالبداية
عمرك ماقلبت صفحه والتاريخ
التاريخ قال كتير
مهما كان. الليل طويل
لازم. يمحيه النهار
النهار لونه ابيض
القلوب بالحب تنبض
الخضار يكسي ويكبر
الامال فى الأرض تكبر
العيون. بالفرح تلمع
الخير يزيد والكل يجمع
الحقيقة صوته بسمع
اهل ومرحب الانتصار
الامان مش غفير وحارس
لونسيت الرب حارس
الامان لقمه لبكرة
هدمه تستر الفقير
الامان حيطه وبيت
الامان عيشه هديه
مش خضار اسعارة نار
مش رغيف ترميه فى وشي
وتعيرني ليل نهار
الامان يبقالى شغله
الامان مش بندقيه
الامان لما امرض القى مكان
مكان بيعاملنى انى انسان
ياكلمه محشورة فى حلقي
يانفس مكسورة بتقولي حقي
لو تطلعي لو تسمعي لو تنطقي
الفجر ينادى الشمس ترجع
ترجع تنور لينا الطريق
ترجع ومعناها الامان
ترجع تقول انت مين
مهما كنت انت مين
فأنا صاحب الحق المبين
مع تحيات
محمد محمود عبد الدايم
تعليقات
إرسال تعليق