بيت صغير يكون بسيط بسقف مسلح وحيطان وفرش كمان بسيط ومش مهم يكون غالى لكن متين يحمينى من غدر الزمان ويكون امان من العالى يسعدنى زى ما بيسعد الملاين من غدر السنين وبكفايه انه يستر الابدان عشان نواجه اى زمان ومحناش خايفين بدام عايشين مع القناعه باللى فى الايدين والناس الطيبين وهدوء النفس بمنزل بسيط احسن من اى سمعه وسيط بين الاغنياء لوهنعانى من اى داء مالوش دواء واهى دى كل احلامنا فى ايامنا اللى جايه والغنى غنى النفس طبعا بيكون احسن رداء يستر الابدان واكثر كمان فى العيشه ديه وناس بتحس بوجعنا وتقدم الدواء بحب ووفاء احسن من عيون حساده تخدعنا بمعسول الكلام ومفيش منها لا رجا ولا سلام يرتجى ولا نسلمش منها وتستمر تخدعنا والآخر نلقاها تيجينا زى القضى توجعنا عشان عشنا فوق الحظ بشويه فى عيشه بسيطه نسكنها بمنزل بسيط ويقولوا اهو ده احسن من اى قصر مليان حزن وعييط طول السنين يعنى حاسدينا ع الفقر والقصر ماهوش لينا وهما بس اللى ساكنينه عشان معمرناش بنحسدهم بدام ماهوش طبعنا ولا احناش لأى قصر محتاجينه بدام سكنه كله الم ودموع طول أيامه وسنينه لا يعجبنا ولا احنا بنكون عاجبينه واهو كل واحد مننا اكيد حظه مكتوب على جبينه وماهوش مخبى وكل الناس عارفينه وهنعمل ايه مع الاحزان ان سكنت بقلبى فى قصر اضائته نجف و شموع وقلب حزين ومن جفافه طول عمره وسنينه اكيد موجوع والمهم بقا راحة البال طول السنين مع كرم ربنا كمان مع جار طيب امين اما الذواق بالقصور فده كله بكش موصول و مفيهوش اى سرور وسط احزانا لما يطله علينا طلتهم اللى لسه فى علم الغيب بفعلتهم وهناخد ايه من ده كله لو هنعيش وبنعانى من العمر وذله وفقد الحبيب هيبقالنا ايه تانى نعيش فى ظله غير الدواء والطبيب( كاتب الاغانى يسرى البنوبى )
تعليقات
إرسال تعليق