نبوس الايادى ونقول اسفين
طيب على ايه لانهم كانو معانا من البدايه
الافاقين المتآمرين ومزيفين
ولا لأننا كنا كاشفين الاعيبهم وطولنا بالنا
ماكناش بنحرجهم وفاهمين
ولا على لانهم كانو باكتر من وش وبيغش
قدامنا مكنوش بس بوشين
ولا لحقدهم علينا ولا غيرتهم مننا وللاذى
لحسدهم فينا لانهم غدارين
ولا لان جواهم امراض وسواد بيضرو بيه
خلق وعباد لطبعهم بياعين
ولا لأنهم سقونا مر وضيعو لصحه وسنين
العمر وبعز الشباب عاجزين
على المستقبل اللى ضيعوه ولا للخير اللى
سرقوه ولا لحقنا هاضمين
ولا وضع محدش يقبله على أهل بيته ولا
على نفسه واتسقيته بانين
على أننا مستحملين وبقلبنا الالام مدارين
وكل ليله بنبات محسورين
ولا علشان ربنا حامينا برغم كل محاولات
الإذلال فينا ومش عاجبين
لموت نزعه مسموع ولا لظلم ممنوع يبقى
مرفوع يحينا مع العايشين
ولا عن نصيب وبخت مايل وحمل ما لقينا
فيه اللى شايل يسند ويعين
ولا على وضع مخطرش ببالنا ولا لتحطيم
لآحلامنا والامل لنا مدمرين
على اليتم اللى زاد بسببهم ولا ناس تافهه
بتمكنهم منا لأنهم متورطين
ولا على عشره مطمرتش ولا لجمايل منهم
متصانتش ولا لربنا فاكرين
مين يقول لغيره اسف ومين ظالم مكنش
ناصف وربنا خير الشاهدين
تعليقات
إرسال تعليق