الاسامي كتير بتكدب
بس مش ذنب الاسامي
تعالوا نحكي شويه
علي باشا اسمه عمى سامي
عم سامي راجل كان فقير
كله أملاكه فرشه حصير
كان بيحلم يملك سرير
جنب بابه كوز وزير
مش مهم أنه فقير
او حتي فرشه حصير
المهم عمى سامى كان طموح
ربي كرمه سكن سطوح
بس بامانه كان وشه صبوح
كان بيكرة اللى ينوح
عمى سامي يوم وليله
ساب السطوح
بعد مدة شفته باين مستحمي
افتكرت نظرى خدعني
فجأة قرب جنب منى
ضحك بسرعه سألني
انت ايه مش عارفني
قلت غصب عنى انت قلي
عمى سامي كان سريع
فى الحكاوي شاطر فظيع
قالى شوف انا عصامي
ضحكت من جناني
قلت كمل ياعصامي
عمي سامى كان غفير
يوم وليله أصبح شهير
على بابه واقف وزير
تحت رجله مليون مدير
عودة زمن معدوم الضمير
الحرامي يبقي عصامي
المهم يسرق كتير
وحمار ينهق يقولوا
فنان كبير
ملعون ابو المبادئ والضمير
لما يبقى الدنيا يملكها الحرامي
والفن يبقى من غير ضمير
مع تحياتي
محمد محمود عبد الدايم
تعليقات
إرسال تعليق