رجعوا تاني بلدنا. ... رجعوا الجمال لمصر
رجعولنا الصناعه ...رجعوا اسم مصر
رجعوا اخلاق جدودى
شيلوا اسم دادى ودودي
رجعوا تانى الرجوله
مش شباب عمله صغيرة
والرجوله اسم عيرة
رجعوا من تانى مصر
رجعولى بنت بلدي
مش بنات خليط وجدها اسمه شمندي
نلقى خيشه يندهوها هاى يا ساندي
وهو ابوها بياع تمر هندي
رجعوا من تاني مصر
رجعوا تانى المصانع
اشوف شباب مصر صانع
لااعرف الخير لمصر
رجعوا تانى المزارع
اللى فيها القطن اطلع
يفتخر ان اسمه قطن مصر
رجعوا تانى الشوارع
رجعوا محلات البقاله والعطارة
امسحوا ماركت وسنتر
فين جمال اسم عنتر
عنتر دة صاحب بقاله
كان يبيع كل شئ مكتوب عليه
صنع مصر واللى صانع ابن مصر
جنب عنتر فيه عطارة
وجنب منه ترزى بلدى ابن مصر
نفسى اشوف من تانى بلدي
فوق محلاتها اسم عربي
مش خليط تركى وعبري
رجعوا تانى مصر
رجعوا ابن البلد شهم ورجوله
رجعوا فن الربابه ورقصه
تحطيب الديابه وارموا برة العرايا
رجعوا تانى الاغاني
رجعوا تانى مصر
مصر اللى تاهت هاتوها
مع تحياتي
محمد محمود عبد الدايم
تعليقات
إرسال تعليق