ليلة عرفة

Merft abdalkader

13 يونيو 2024

(0)

كتبت//مرفت عبدالقادر احمد

ليلة عرفة هتبدأ من أذان المغرب غدا الجمعة إنشاءالله..

وده أفضل جدول ممكن تمشي عليه علشان تغتنم اليوم العظيم ده وميضيعش منه ثانية واحدة فيه..

أول ما الأذان بتاع المغرب يأذن تعرف إنك بدأت في يوم عرفة..

يوم غفران الذنوب..وهو أعظم أيام الدنيا

1- هتفطر النهاردة لو كنت صايم وتصلي المغرب وتقعد تهلل وتكبر وتسبح لحد العشاء..

2- هتصلي العشاء وتخطفلك ساعتين تنام وتظبط المنبه ولازم تقوم قبل الساعة 2..

3- هتقوم تتسحر وتتوض وتجهز الأوضة الي هتصلي فيها وتقفلها بحيث تعرف تصلي ومحدش يدخل يخليك تسرح ف الصلاة ..

4 - لو نمت هنبدأ بركعتين خفاف كده علشان منصَعبش على نفسنا وهمتنا تنزل من الأول وكده..

5-لازم نُكتب من المقنطرين..

هنقرأ من الملك لأخر القرآن .."جزء عم ، وتبارك" ..

6- القيام عدد ركعاته غير محدودة بس النبي صلى الله عليه وسلم كان بيصليهم 11 ركعة مثنى مثنى ويختم بركعة..

7- تكون مجهز كل حاجة ف الغرفة الي هتصلي فيها بحيث متخرجش وتنشغل بحاجة..

8- ندعي بخيري الدنيا والآخرة الي هو متدعيش للدنيا وتنسى الاخره وخلي دايما في بالك " ربنا آتنا في الدنيا حسنة وفي الاخره حسنة وقنا عذاب النار" ..

9 - نبدأ بقي في الاستغفار ونخليه قبل الفجر بربع ساعة علشان نُكتب من "المستغفرين بالأسحار"..

10- نصلي الفجر جماعة '' ومننساش السنة..

اقرا ايضا "مجمع اعلام زفتى" ينظم ندوة إعلامية بعنوان ترسيخ روح وقيم الولاء والانتماء لدى الشباب

اقرا ايضا "المجالس الرمضانية" تكشف احتفاظ العادات والتقاليد في الإمارات بجوهرها الأصيل

اقرا ايضا التعليم العالي : انطلاق الموسم الثاني من ملتقى "رمضان يجمعنا" للإنشاد الديني والترانيم مساء اليوم

اقرا ايضا الانتهاء من احلال و تجديد محطة رفع الصرف الصحي بركة بمركز نجع حمادي

بعد ما تصلي اوعي تقوم من مكانك قبل ما تغتنم دعاء الملائكة لك وردد" لا إله الا الله وحده لا شريك له له للملك وله الحمد يحي ويميت وهو علي كل شئ قدير" عشرا..

ده قبل ما تتحرك من مكانك بعد التحيات

ونقرأ آيه الكرسي وأذكار الصلاة.

11- خلصنا الفجر.. ندخل تاني لمكان قيام الليل ومصحفنا في إيدينا..

ونقرأ قرآن لحد الشروق وبعدين نصلي الضحى" علشان تكتب حج وعمرة"..

12-حط ف قلبك يقين بإجابة كل دعواتك..

13-إيه دا عايز تنام؟.

هنستغل النوم ونحط في نيتنا إنها تقوية للإستِمرار في طاعة الله عشان ناخد حسنات من ورا النوم ده..

"قولنا مش هنضيع ثانيه."

14- الظهر أذن هنصليه بالنوافل.. وهنقعد نقرأ قرآن لحد العصر ..

15-نحاول نتصدق بقدر الإمكان.

16- العصر هنصليه ونقول أذكار المساء ونقرأ قرآن شوية لحد قبل المغرب بساعة..

17-ولو بنحضر الفطار هنهلل ونكبر ونسبح وتدعي لأنفسنا ..