القائمة الرئيسية

الصفحات

دارينا أوجاعنا ما بين الصبر
و طموح العايشين 
ما بين الفجر و دُعا العشمانين 
فـ رضاك ،، 
سحابه ضوء بتشق عتمه الليل 
فـ ارواحنا 
و جراحنا ،،، 
كانت حاصل جمع بقايا البوح 
مقسوم عـ اجمالي وجعنا 
و افرحنا ،،، 
هي سحابه صيف اساسها وجعنا
و بتنهي فـ ملامحنا 👌🏻
العمر بيجري 
و إنسان ،،
مفيش سوا روحه معاه 
مفيش اي حد مكمل 
كان مين معاه م الأول 
م كل واحد بيجي وقته 
بتحس فـ ملامحه ببرائته 
و فجأة بيكون ضدك 
مش وجع بُعد انما 
هو نوع م الوجع بيهدك 
و بيقضي عـ ملامح الوش الباسم 
و بيحول الضحكه لحزن  
القصد،،
 أصل البكا ع اللي فات 
بيكون نقصان فـ العدل 
و بيزرع فـ قلوبنا الرهبة
و يملي واقعنا بزيف
لبُعد الحزن او قربه
خايف في يوم 
منا المعاني تتوه
ونتعود على الكِتمان
ونصبح كما طيف بهتان 
بيمر عليه الوقت 
فـ يصير بقايا انسان 
فـ يصير بقايا انسان.

بقلم 
وحيد صبري

تعليقات