كتبت / وفاء العش
اقرا ايضاقصيدة أمي
العشم ده معني كبير أوي قبل ما يكون مصطلح متداول بنا للود والجدعنة بس من وجهة نظري العشم ده عملة ذو وجهين بمعني
ممكن تتعشم أوي في أقرب حد ليك وتعتبره مصدر أمان وحماية الدنيا كله وتتوقع منه الكتير الحد ده ممكن يكون من أهلك أو أصدقائك أو …..إلى آلخ
ومن شدة العشم ده تجري عليه وتحكيله كل تفاصيل حياتك وانت حاسس كأنك بتحكي لنفسك وكأنك ساند علي حيطة لو الدنيا كلها مالت عليك هو سندك وحمايتك
فمتحسبهاش معاه في أي حاجة لأنك بتبقي شايفه كبير أوي في عينك علشان كده بتكون منتظر منه كل شيء عشمان انه هيخرجك من أي أزمة لدرجة إن معظمنا بيكتسبوا الجرءة والمغامرة في أمورهم الحياتية نظرا لإستنادهم وعشمهم في الناس دي
وكل ده جميل ومقبول وكلنا بنكمل بعض ومحتاجين نعيش الإحساس ده ونحسه من بعض ولكن وده الأهم
بعد كل العشم ده يجيلك الخذلان والصدمة من تخلي أكتر حد اتعشمت فيه وبزيادة اللي كنت متوقع إن الدنيا كلها لو جيت عليك هو لا بالعكس هيكون طوق النجاة بالنسبة لك
وفجأة تكتشف إنك كنت ماشي ورا سراب وتفوق من وهم كبير مصدوم صدمة عمرك
مكسور وأي كسر
كسرة القريب بتموت بتوجع أوي وبتعرف ساعتها إن العشم ده مصطلح ووهم كبير عيشت نفسك فيه وبنيت عليه أوهام في دماغك انت بس
ما تتعشمش إلا في الله فلا ملجأ منه إلا اليه ونعم به السند والعون الحقيقي
وبتكتشف فجأة إن كل البشر إلا من رحم ربي عايشين بمبدأ أنا ومن بعدي الطوفان
مصلحتهم أولا وأخيرا
حتي لما بيقربوا منك بيكون لمصلحتهم ولحاجة في نفسهم مش علشانك
لذلك مبقتش قادرة أقرر العشم ده معني جميل ولا مدخل للخذلان والندم علي التفاني بحب الناس بزيادة
أتمني نتشارك معنا في الرأي
العشم ،،،،،،،
مع أو ضد
تعليقات
إرسال تعليق