إياك تطلع كلام من غير حساب وتقول
مش قادر اتحكم في نفسي فعل وقول
ولا اداري إللي مخبي في قلبي موجود
ولسة كلام ما طلعش وجروح ودموع
إياك تقول راح أقول كل ما ف قلبي يجول
أنا حر أعمل ما بدالي و لساني مش مربوط
إللي مش عاجبه كلامي يحط ف ودانه صوابعه
لا ورب العرش إنت عبد و مش متروك
هيحاسبك الله في كتاب ما يترك لفظ وقول
حتي مثقال ذرة و أصغر تقرأه و تشوف
بالخير فعل وقول تنول حب الله والرسول
وتحبك الناس في الدنيا وبعد موتك تقول
يرحمه ربه كان طيب ما شفنا منه عدول
عن أي خير وتملي يسعي بالخير لوصول
جنة الفردوس الأعلى برفقة أحبة ينول
رضي وجه الله راض عنه فايز مسرور
وإللي تملي للشر يسعي فعل وقول
يقرأ كتابه بشماله ويقذف في نار بتفور
من الغيظ عاوزة تحرق كل شيطان وكفور
كان يفعل ما بيهواه وإللي ف نفسه يجول
لاعمل حساب ليوم يقف أمام الله المعبود
يتهري لحمه من الخجل غير غضب و ينول
عذاب النار مخلد مع صحبة شياطين السوء
يارب نجينا إحنا وأولادنا وكل من قرأ منشور
وعمل الخير وترك فعل السوء من فعل أو من قول
_____________
الكاتبة الصحفية غزاله عطيه
تعليقات
إرسال تعليق