متابعه أشرف عيد
هي فين فلوس الغاز اللي وصل تصديرنا منه مليار دولار شهريا؟
فين فلوس مناجم الذهب اللي بنكتشفها كل يوم؟
واللي كان اخرها منجم إيقات باحتياطي مليون أوقية ذهب؟
فين فلوس قناة السويس اللي وصلت ٨ مليار دولار
والصادرات اللي وصلت ٥٤ مليار دولار السنة اللي فاتت
ده بخلاف ديون وفلوس استلفناها وصلت اخر ٥ سنين ١٠٠ مليار دولار
الفلوس دي كلها راحت فين؟
ليه مش حاسين بالفلوس دي كلها على حياتنا؟
والأسعار عمالة تغلى والدولار في الطالع؟
انهاردة وبشكل موضوع
كشف حساب للسيسي
كان معانا كام وصرفنا كام وباقي كام وبالأرقام والحقائق ومن الأرض
تعالوا كدا مع بعض نروح في جولة نشوف الدولة ودت الفلوس دي كلها فين اخر ٥ سنين
وانا هنا لن هتكلم عن المشاريع ذات الطبيعية الخاصة اللي ماخدتش من موازنة الدولة بل صرفت على نفسها يعني مش هنحسب مثلا العاصمة الادارية اللي اتعملت من فلوس المطورين اللي اشتروا اراضي وشقق هناك من شركة العاصمة ومن الفلوس دي تم بناءها
اهتكلم عن المشاريع اللي الحكومة المصرية عملتها من موازنة الدولة وفلوس الناس والضرايب وصرفت عليها من ضرايبي وضرايبك وقناة السويس وعوائد الغاز والدهب
خالي بالك إيراد الغاز وقناة السويس والدهب والديون مع بعض آخر خمس سنين يعملوا حوالي ٢٠٠ مليار دولار
يعني حوالي بسعر الدولار انهاردة ١٠ تريليون جنيه!
الفلوس دي كلها راحت فين؟
الذي لايوجد في الإعلام المعادي أو صفحات اللجان الإليكترونية أو التريندات
وهو إن الدولة صرفت آخر خمس سنين ما لا يقل عن ٣ أضعاف الرقم ده في إعادة بناء دولة من أول جديد
حوالي ٢٠ تريليون جنيه تم صرفهم في مشاريع استفاد منها كل المصريين وانت يالي بتسمعني أيا كان انت مين ومنين أكيد استفدت بشكل أو بآخر
إن كريدي سويس قدرت حجم الثروة القومية اليوم ب ١٥٠٠ مليار دولار بعد ما كانت ٥٠٠ مليار بس عام ٢٠١٤ يعني ٣ أضعاف
أصول مصر زادت ١٠٠٠ مليار دولار أو ٥٠ ألف مليار جنيه!!
يعني ١٠ أضعاف حجم الديون اللي زادت!
نجمع مع بعض الفلوس دي أتصرف فين وإزاي قيمتها اضاعفت كد
٥٠٠ مليار جنيه تم صرفهم في المرحلة الأولي من مشروع حياة كريمة لتطوير قرى مصر من مدارس ومراكز صحية ومراكز شباب وصرف صحي وطرق لتحسين حياة اهلنا في الريف بعد ما كانت الأماكن دي منسية في فترات سابقة
٢٠٠ مليار جنيه تكلفة تطوير الموانئ المصرية وبعد ما كان اجمالي أطوال ارصفة موانئ مصر ٣٥ كيلو تم إضافة ٤٠ كيلو يعني اللي اتعمل في الموانئ السنين اللي فاتت يعادل ضعف اللي اتعمل في تاريخ مصر كله
والموانئ هي عصب الاقتصاد والتجارة ومن غيرها مش هتقدر تنافس لجذب الاستثمارات الأجنبية
٤٦٤ مليار جنيه تكلفة المشروع القومي لتطوير الطرق والمحاور والكباري في الفترة من ٢٠١٤ إلى ٢٠٢٣ بإنشاء حوالي ٢٠ ألف كيلومتر طرق علما إن طرق مصر كانت قبل عام ٢٠١٤ ٢٤ آف كيلو يعني تقريبا تم عمل شبكة طرق تعادل اللي اتعملت في مصر طول تاريخها بخلاف تطوير أكتر من نص الشبكة القديمة
ومن الطرق لمشروع تطوير النقل الجماعي وخط السكك الحديد القديم بتكلفة ٢٠٠ مليار جنيه
ومشروع القطار الكهربي السريع اللي هيربط مصر من شرقها لغربها ومن شمالها لجنوبها وبيعتبر اكبر خط قطار سريع في المنطقة والخامس على مستوى العالم بتكلفة ٣٠٠ مليار جنيه
وزيهم تكلفة المونوريل والقطار الكهربي الخفيفي خط العاصمة الشروق ومترو الأنفاق
يعني تقريبا تريليون جنيه فقط لتطوير وسائل النقل الجماعي!
ومن النقل للطاقة
هل تعلم إنه عشان نتحول من العجز في الطاقة إلي الفائض والتصدير اليوم إلي أوروبا عملنا ٣ محطات لتوليد الكهربا من سيمنز الأكبر على مستوى العالم بتكلفة حوالي ٦ مليار يورو أو تقريبا حوالي ٢٠٠ مليار جنيه!
ده بخلاف تطوير شبكة النقل والمحولات ومزارع الطاقة المتجدد
اقرا ايضادعاء قضاء الدين وتفريج الكرب..
عليهم ٢٢٥ مليار جنيه لتطوير العشوائيات عشان اهلنا يعيشوا حياة ادمية كريمة
عليهم بقى تريليون جنيه حتة واحدة في مشروع استصلاح ٢.٥ مليون فدان
ومن الفضاء ومن ارض الواقع في توشكي وشرق العوينات والدلتا الجديدة وسيناء والساحل الشمالي اللي بتكشف إزاي تم تغيير شكل الصحراء في مصر وده انعكس انهاردة على توفر كل المنتجات في الأسواق رغم الازمات العالمية وتحقيق رقم قياسي غير مسبوق في التصدير كمان وأصبحنا في المركز الأول عالميا في انتاج عدد من المحاصيل الزراعية وعلى رأسها التمور وبعض الفواكه
للأمن المائي واللي تم انفاق فيه ٨٠ مليار لتبطين الترع و ٥٠ مليار جنيه لبناء عدد من محطات تحلية المياة منها الأكبر في العالم
بقى على دول كلهم ٦٠٠ مليار جنيه لمشاريع تنموية في سيناء بما يشمل الأنفاق والجامعات والمدن الجديدة والبنية التحتية
بقى على دول كلهم ٥٠٠ مليار جنيه فاتورة برامج الحماية الاجتماعية السنوية لأهلنا الأكثر احتياجا في برامج تكافل وكرامة وغيرها
وضيف عليهم بقى فاتورة دعم البنزين والكهربا اللي بنستخدمه وصلت بسبب ارتفاع الاسعار العالمية ٢٠٠ مليار
يعني لتر البنزين اللي حضرتك بتفول بيه العربية تمنه ١٥ جنيه انت بتدفع ١٠ والدولة بتدفعلك ٥
ونفس الشيئ بالنسبة للكهربا الدولة بتدفع قد اللي انت بتدفه
ا مصروفات الدولة الطبيعية زي موازنة التعليم اللي ارتفعت من ٢٠ مليار الى ١٦٠ مليار
وميزانية الصحة اللي ارتفعت من ١١ مليار الى ١٢٠ مليار
ولا المتحف الكبير وباقي المتاحف ولا تطوير البحيرات وإنشاء صوامع القمح ومخازن البترول الأكبر في العالم
انا بتكلم اكتر على المشروعات اللي بتعتبر اعادة بناء الدولة من جديد
كلها مجرد امثلة وليس للحصر
مصر تانية اتبنت في قطاع الطاقة والمياة والاسكان والنقل والطرق
هي فلوس البلد بتروح فين
المشروعات دي كلها اتكلفت اخر ٨ سنين ما يصل لـ ٢٠ تريليون جنيه
يعني اضعاف مضاعفة من ايراد الغاز والدهب والاستثمارات والديون
الحاجات دي كلها مين اللي بيستفيد منها
مين استفاد من حياة كريمة مش المصريين
مين استفاد بالطرق وتطوير العشوائيات مش المصريين
مين استفاد من القضاء على فايروس سي
مين بستفيد من ٥٠٠ مليار دعم للمحتاجين
كام مليون واحد بيته افتح بسبب المشاريع
يبقى السيسي ضيع فلوس البلد ولا ضاعفها في اصول تقدر اليوم بما يتجاوز عشرات الترليونات
الغلا والدولار بقى بكام
العالم كله بيعاني ليه هنبقى استثناء
اسعار المنتجات ارتفعت في العالم كله اعمل سيرش على جوجل على الأوضاع في بريطانيا ولا فرنسا ولا ألمانيا ولا أمريكا حتى
والدولار مرتفعش نتيجة انخفاض التصدير او هروب الاستثمارات من مصر او انكماش الاقتصاد لا قدر الله ولكن بسبب سحبه من الاسواق لان الفيدرالي وصل الفايدة لارقام قياسية فالمستثمرين في الاموال السائلة سحبوا فلوسهم
وبمجرد ما الفيدرالي يبدا في خفض الفايدة هترجع الدولارات تاني للاسواق وسعرها هينزل
هل المطلوب من الحكومة عشان تبقى حلوة انها تدعم كل السلع من موازنتها ومتلاقيش فلوس تصرف على التعليم والصحة والخدمات والتطوير والتعمير والتنمية!
اي دولة في العالم بتعمل كدا؟
هل مطلوب نوقف بناء المشاريع عشان ندعم اللحمة وكيلو البانيه
مطلوب نعمل زي الاجيال اللي قبلنا لما اخدوا المنتجات بنص تمنها واحنا انهاردة بندفع التمن!
احنا بندفع انهاردة لمستقبل عيالنا يلاقوا دولة آمنة محترمة قوية عفية
مصر رغم ظروفها الاقتصادية هي صاحبة أكبر ميزانية حماية اجتماعية ٥٠٠ مليار أكبر من دول كبرى سايبة شعبها يواجه لوحده ارتفاع الأسعار زي فرنسا وبريطانيا اللي الكهربا هناك زادت ١٠ أضعاف والغاز ٢٠ ضعف
بتسأل هي فلوس البلد بتروح فين؟!
المشكلة ان ما تسمى المعارضة واللجان الاليكترونية دايما بينقلولك جزء من الصورة
يعني لو شركة خرجت تبقى البلد بتخرب
ولو الف شركة دخلت متسمعلهمش حس
دايما بينقلولك جزء من الصورة وبيخفوا عنك باقي الصورة ويكلموها من خيالاتهم
يعني في مثال بسيط ولكن كاشف
صورة الامام الشافعي اللي نشروها على انها صورة من المسلسل والآلاف نشروها
لو شفت باقي الصورة تكتشف انها من الكواليس
دايما باقي الصورة بتكشف زييف الجزء اللي انت شايفه لوحده
رغم بساطة المثال ده انما هو كاشف لطريقتهم
دايما ينقلوا لمتابيعنهم نص الحقيقة جزء من الصورة على انها صورة كاملة وبيخفوا باقي الصورة ويكملوا من خيالاتهم اوهام
والجهلة يقولوا مااااء وراهم وينشروا اوهام على انها حقايق
قيس على كدا كل حاجة مش شرط تكون ببساطة اللقطة دي اللي يترد عليها بصورة لكن احيانا بيكون في ابعاد اقتصادية كبيرة او مسائل امن قومي او ابعاد عسكرية او سياسية محتاجة خلفية كبيرة لفهمها
قالولك الحقوا السيسي عمل اكبر منبر واكبر نجفة واكبر جامع وبيضيع فلوسكوا
لكن قالولك ان قبلهم عملنا
اكبر مصنع للغزل في العالم في المحلة
اكبر مصنع للسكر في العالم في المنيا
اكبر مصنع اليكترونيات في العالم في بني سويف
اكبر مدينة صناعية في العالم في طربول
اكبر مدينة صناعية لوجيستيه في المنطقة الاقتصادية لقناة السويس
اكبر صوب زراعية في العالم في الساحل الشمالي
اكبر مزرعة شمسية لانتاج الكهرباء في اسوان
اكبر مزرعة رياح لانتاج الطاقة في جبل الزيت بالبحر الاحمر
اكبر قاعدة عسكرية في الاقليم في برنيس ومحمد نجيب و٣ يوليو
اكبر محطة لمعالجة المياة في سيناء
اكبر نهر صناعي لاستصلاح ٢.٥ فدان في الدلتا الجديدة
اكبر مشروع لتحسين جودة الحياة حياة كريمة
اكبر مخزن نفط في العالم في البحر الاحمر
اكبر شبكة قطارات سريعة في الاقليم والخامسة في العالم
اكبر محطات توليد كهرباء من الغاز من سيمنز
اكبر مشروع تطوير طرق وبنية تحتية في العالم
اكبر مشروع لتنظيف البحيرات وتنميتها في العالم
اكبر مشروع لاستصلاح الاراضي في سيناء وتوشكي
اكبر مدينة صناعية للدواء في الشرق الاوسط
اكبر مشروع قومي لتطوير العشوائيات
اكبر مشروع لتخزين الحبوب في العالم مشروع الصوامع
اكبر مشروع قومي للقضاء على فيروس سي والامراض غير السارية
اكبر مزرعة سمكية في العالم في غليون وشرق بور سعيد
اكبر مزعة حيوانية في العالم بالمجمع المتكامل في الفيوم
اكبر مجمع لصناعة الوثائق المؤمنة في طريق العين السخنة
اول مصفاة ذهب في الاقليم
اكبر مدينة للسيارات في طريق العين السخنة في الاقليم والعالم
اكبر متحف في العالم المتحف الكبير
اكبر كوبري معلق في العالم في روض الفرج
والقائمة تطول دي امثلة وليس للحصر
ولكن اقول فيهم ما قاله الله
فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ
كل ده ولسة بتسأل هي فلوس البلد بتروح فين؟!
السيسي عمل في مصر اللي معملوش محمد على في مجده ولا الخديوي توفيق في عظمته ولا عبدالناصر في عزه
السيسي بنى دولة جديدة من اول وجديد في كل القطاعات هنستفيد منه لمئات السنين
الحمد لله على نعمة مصر
الحمد لله على نعمة الجيش المصري
الحمدلله على نعمة السيسي
اللهم في هذه الأيام المباركة سدد خطاه ووفقه من أجل هذا الشعب المسكين وهذه البلد التي تحبها وكرمتها كثيرا
اللهم احفظ مصر
واجعلها كما تستحق أمة عظمى بين الأمم
تعليقات
إرسال تعليق