#قولوا حبايبي
----------------------
قولوا حبايبي إزاي عيدتوا
شوفتوا الأهل فيه وفرحتوا
طب و منين مصرفكوا أخدتوا
لما لأبوكوا والأهل دفنتوا
طب ملابسكوا مين لبسكوا
ومين مصرفكوا منه أخدتوا
طب قولوا كحك العيد له أكلتوا
و البلالين نفختوها و لعبتوا
ردوا عليا ليه بس سكتوا
ردوا قالوا لي ياريتكوا تحسوا
في همنا بتنا وليه لينا تركتوا
سبتونا في عز الجرح رحتوا
تهنوا بعضكوا بالعيد وفرحتوا
لا يوم حسيتوا بينا ولا شلتوا
عن اكتافنا حملنا وضغطتوا
لقضيتنا ليه تركتوا غدرتوا
حتى الشرع وعُرفنا له بعتوا
وآل إيه تسألوا عيدتوا فرحتوا
والله موتنا ساعة ما غدرتوا
بغدركوا لينا هلكنا غرقنا
فين الإخوة فين النخوة
فين الأمة ليه الفرقة
كنا وطن واحد وبقوة
أعدائنا حطوا حدود وبخسة
عرفوا الفرقة ضياع للأمة
ونفذتوها بحذافيرها ودقة
قلتوا ندافع عن بس حدودنا
نسيتوا لما ما كان يفصلنا
مكان وزمان أصل إحنا جمعنا
رب الكون وياريت له سمعنا
كنا وحدة وبقوة سلمنا
----------------------
الكاتبة الصحفية غزاله عطيه
تعليقات
إرسال تعليق