وبمناسبة موسم الزواج واللى مرتبط عندنا كامصرين بالاعياد عيد صغير أو عيد كبير بيكون موسم الافراح وربنا يفرح الجميع بس فى كلمتين حبه اقولهم وياريت الناس تفهم وتعمل بيهم وخاصه ام العروسه
يعنى حضرتك علشان تجهزى بنتك لازم تجيبى شاشاتين وبوتجاز وفرن وميكروف و٢ ثلاجه و٢ غسلة وشفاط وخلاط ومضرب بيض ومكنسه كبيره وواحده صغيره ومحضر طعام و كله الا محضر الطاعم اصل من غيره العروسه مش هاتعرف تحضر طعام خالص ومن٤٠الى ٥٠ طقم سرير ده غير اطقم سراير الاطفال غير بقا ١٠٠ فوطه وبشكير وبطاطين و والحفه ملهاش عدد غير اطقم النيش اللى مالهاش اى تلاتين لازمه ومن ٥ الى ٦ اطقم حلل بجميع الانواع و برضوا ملهمش لازمه ده غير اطقم الكوبيات والكاسات واطقم الاطباق اللى من كل نوع واللى ممكن يعدى عمر العروسه كله ما تستعمليش الا طقم واحد من كل دول لا وكمان كل اختراع الصين عملته ورمته للعرب العروسه بتشتريه عادى مهو مش معقول يكون فى السوق وبنت الجيران او بنت حد من الاقراب جيبه وهى لاء ولا العروسه تقول معنديش وكله كوم وغرفة الاطفال كوم تانى خالص وكانها ضمنت خلاص ان الاطفال فى الطريق ومسافة السكه جين هو هايجرى ايه لما العروسه تدخل بالضروريات او بالمعنى الاصح الحاجه اللى هاتستعملها فعلا مش هاتتركن شمال ويمين لان مالهاش مكان ولا هاتستعمليها ولو استعملتها مرة او اتنين وبتتركن ومع الوقت بتنسى وجودها عندك من الاساس.. ده كله كوم والطلبات اللى بتطلب من العريس مقابل اللى همه جايبينوا حاجه تانيه خالص موضوع عاوز بوستات لواحدها ..والله ماهيجرى حاجه لما البيوت تبداء صغيره وتكبر مش هاتخسره بالعكس مع كل حاجه جديده هاتشتريها بعد الجواز هاتحسى بفرحه جديدة وتحسى بالتجديد فى بيتك وتحسى ان فيه حياة نشيطه وبتتجدد ..انما لما تتجوزى وعندك كل حاجه رافهيات وكماليات بتحسى الحياة ممله روتينيه مافياش لا جديد ولا تجديد..ده غير الديون اللى الاهل بتتحملها وحبس الكثير من الغرامات بيكون سببها جهاز البنات وياامة الام هى اللى بتكون العائل للاسرة يا امة ضامنه لاب وطبعا بضحى بنفسها وتتحبس علشان الاب يشتغل ويسد وفى رجالة بتندل وتهرب وتسيب الام تشيل اليلة والله ياجماعة حالات كتير العروسه بتتجوز وتخلف وابنها يمشى ويتكلم ويدخل المدرسه واهلها لسه بيدفعوا اقسط الجوازة او لا قدر الله يحصل انفصال ومع العند اهل الزوج يسكروا الحاجه وهى اهلها لسه فى وحلة السداد اتقوا الله فى انفسكم واهاليكم فكله الا زوال...
تعليقات
إرسال تعليق