الكاتب أحمد العدل يعيد ذكرى هذا الحادث الأليم بهذا المنشور ويكشف عن هذا الشئ لأول مرة
متابعة:عمر ماهر
تصدر إسم الكاتب أحمد العدل تريند محركات بحث جوجل في الوطن العربي بعد إنتشار منشور قديم له لحادث أليم تعرض له أثناء عمله إنتشر بشكل مفاجئ بين الجمهور أعاد ذكرته عبر حسابه الرسمي بموقع التواصل الاجتماعي الشهير الفيس بوك وتأثر الجمهور بهذا المنشور بشده وكانت أبرز التعليقات التي حاز عليها العدل تعليقات دعم وقال من خلال المنشور: قدر الله و ماشاء فعل و لا رد لقضاء الله و لن نستطيع عليه إلا الحمد و الشكر على فضله و اختصاصه لعباده بالابتلاء ربما كنت في غفلة من أمري، فلك الحمد حمدا كثيرا و لك الشكر يا أرحم الراحمين..
وتابع :اختبار و الحمد لله قدر و لطف، كسر مضاعف في الكعب مع خلع استلزم جراحة عاجلة لرد الكعب و تركيب مسامير، الحمد لله توجهت لمركز المدينة لجراحة العظام بدمياط الجديدة و تمت العملية بنجاح، ده من فضل ربنا عليا ان سخرلي في اللحظة دي ناس عمري ما انسى فضلهم، الراجل اللي جاي يشتري طلباته و شافني كده شالني على كتافه في التوك توك بتاعه لحد ما اطمن عليا و كان هو السبب في اختيار المركز اللي عملت فيه الجراحة سبحان الله، و انا بعمل الأشعة لقيت زبون طيب من اللي بيتعاملوا معايا، راجل غلبان جاي مع صاحبه و لما شافني حلف ما هيمشي قبل ما يطمن عليا في عز ما عاوز يروح، أخويا الكبير أمير العالم اللي فضل معايا على اتصال لحد ما تليفوني فصل، اردها ليك في الفرح يا أبو خالد يااا رب، مقدرش اوفي عمرو عزت و Tamer Elboghdady حقهم بألف مليون شكر، تعبوا معايا و لولا الشغل كانوا جم معايا، جميلكم ده على راسي.
وأكد :كبيرنا و اللي مش بيتأخر عن حد Amr Mehrez عمري ما اقدر اشكره بكلام، الراجل ده مهما قلت عنه مش هوفيه، Mohamed Amr جيت ورايا جري و جبت العربية و فين و فين لما اقنعتك تروح علشان خفت اتأخر و انت عندك امتحانات الصبح، طول عمرك راجل يا محمد.
ده مش ليه شكر لأن ده أنا، ده سندي و ضهري Tharwat Eladl تعبتك معايا أكتر من انت تعبان و عطلتك و خضيتك، ربنا يخليك ليا و يفرحني بيك ياااااااا رب.
وأستكمل :كل انسان خصني بدعوة النهاردة ربنا يجعلها لك بالمثل و أكثر ، سامحوني تليفوني فصل و رجعت الفجر و الألم صعب جدا مش متحمله، و هطمنكم بأمر الله الصبح متحرمش منكم..
ربنا يبارك فيكم جميعا و متحرمش حبكم و ودكم و دعواتكم.
وأختتم :قبل ما أختم حابب أقول للناس اللي تعبت من القلق و الخوف عليا و فضلوا معايا لحظة بلحظة حتى بعد ما تليفوني فصل و كلموني على تليفون ثروت، ربنا ما يختبرني بيكم و اشوفكم دايما بخير و متحرمش وجودكم يااااا رب.
*الكاتب أحمد العدل يكشف عن أصعب مواقف الحياة بهذه الرسالة المؤثرة
من أصعب الأمور اللي ممكن يعيشها الانسان معاناة التخلي، خاصة لما تكون بكامل طاقتك بتحاول توفر للطرف التاني كل شيء و أهمها انك جنبه و بتدعمه بكل قوتك حتى لو أنت نفسك محتاج حد يدعمك و ممكن بتكون في أسوء حالاتك النفسية و مع ذلك بتكون معاه علشان هو يعدي للنور، حاجة كده شبه اللي بيغرق و جاي حد ينقذه يقوم طالع على كتفه بحركة ممكن تغرق المنقذ ده، الطرف التاني بيمسك فيك، و ساعات ضعفه بيتقلب خوف بهاجس انه هيفقدك، و بالفعل مع الخوف ده بيتولد موجة من الانفعالات و ردود الافعال اللي تخليك تقول اعمل ايه اكتر من كده علشان تفهم اني معاك، و مع قوة الرابط ده انت بتفضل تعدي و تعدي و تعدي و تقول بكرة يفهم، و للأسف مفيش حاجة بتتغير، يكون حلك مع كتر الألم النفسي الناتج من ضغطه و عدم فهمك انك تبعد و تتخلى، مجبر و غصب عنك لأنك في الاصل تعبان و تعبت زيادة من الضغط، و لما تقرر تتخلى بيزيد عليك الوجع، خاصة لما تعرف ان كل اللي انت عملته ده كان من طيبتك مع حد مكنش يستحق طيبتك و لا حتى دعمك النفسي ليه..
*الكاتب أحمد العدل يفضح عن العلاقات Toxic التي تعرض لها .
"السِت أم كلثوم في أغنية «لسه فاكر».. قالت جملة عظيمة في العلاقات الـ Toxic اللي بتبقى قايمة على أستنزاف أحد الأطراف للطرف التاني فقالت :
«كانت الأيام في قلبي دموع بتجري وأنت تحلالك دموعي وهي عُمري».. ملقتش تعبير جبار أكتر من «دموعي هي عُمري».. في وصف أستنزاف المشاعر وإن قد إيه في طرف ممكن يضحي ويقدم «أيام عُمره».. للي قدامه عشان بس بيحبه !! والأسوء إن اللي قُدامه يقف من بعيد كدا يتفرج عليه وهو بيقدمله عُمره على طبق من دهب وياخده يرميه في الزبـ ـالة !!
لكن السِت هنا في مرة من المرات القليلة اللي كانت فيها قوية وقادرة تتغلب على مشاعرها كملت وقالت :
«ياما هانتلك وكانت كل مرة تمحي كلمة من آمالي فيك وصبري .. كلمة كلمة لما راح الهوى ويا الجراح واللي قاسيته في ليلي أتنسى ويا الصباح».. هنا السِت في مشهد درامي من الدرجة الأولى وقفت بكل صلابة عشان تبين إن لكل فعل رد فعل وإن مش دايمًا الإنسان هيفضل يضحي ويقدم من غير مقابل ولا حتى تقدير .. وإن حتى المشاعر والحُب دا مرحش بين يوم وليلة لكن كل مرة كانت في حِتة بتنقص
*الكاتب أحمد العدل يكشف عن مراحل الإدمان بهذا الشئ
من 8 سنين تقريبا و عن طريق الخطأ دخلت في دوامة تعاطي " الأوترفين "، و اللى مش عارفها دي قطرة للأنف بتساعد على انقباض الأغشية المخاطية علشان تسهل عملية التنفس خلال نزلات البرد، المفروض ان لها فترة محددة للاستخدام ما بين 5 ل 7 مرات و بعدها تووووقف، للأسف بقى أنا معرفتش ده غير بعد ما بقيت مدمن اتروفين، و الادمان هنا مش حشيش و لا مخدر، لا ده ادمان تاني، انك تبقى مش قادر تتنفس الا لما تحط الزفت ده، مفيش نوم، هبوط، عدم تركيز، صداع.
في البداية كنت بستخدمها مرتين او تلاتة يوميا، لكن فترات الربيع، الهوا البارد، العطور، دخان الحرايق، و كمان دخان السجاير كان بيزودها عليا و بحط منها كميات اكتر، مع العلم اني مدخن للأسف، و في السنة الأخيرة بقيت ممكن اقلق من نوم مرة او اتنين مش عارف اتنفس و احط النقط، و بعدها عدم تركيز و توهان و صداع زيادة كأن دماغي فيها هوا، لكن خلاص تعبت و قررت اروح للدكتور.
لما الدكتور شاف المنظر بالمنظار قالي انت عايش ازاي، في تضخم غضاريف و تضخم الياف مخاطية و الاتنين كابسين على بعض قافلين مجري التنفس، يا تتحدي نفسك و تبطلها يا جراحة، و معاك اسبوع، الكلام ده كان يوم الاتنين اللى فات، خرجت من عنده حطيت مرة و بعدها مرة نفس اليوم قبل ما انام، و تاني يوم التلات الساعة 6 المرة التالتة و من وقتها مجتش ناحية الاتروفين او مشتقاته.
اة.. انا انتصرت النهاردة على ادمان الاتروفين و خلال 72 ساعة كنت بموت فيها حرفيا من نقص الاوكسجين و الخنقة مع الم رهيب في كل عضم وشي لكن وقفت و مرة واحدة و كان تحدي صعب جدا جدا لكن عملته و كسبته، النهاردة بكتب البوست ده علشان اكتشفت من كام يوم ان في ناس كتير عندها نفس المعاناة، احب اقولكم ان القصة عزيمة و عاوزة تحدي بجد، أنا فزت عليها و عديت الحمد لله، و الدور عليكم جربوا و اكسبوا راحتكم
ربنا يحفظكم جميعا
*الكاتب أحمد العدل يكشف عن وصية هزت كيانه
وصية هزت كياني
أب يخاطب ابنه ويوصيه..
ولدي العزيز: فى يوم من الأيام ستراني عجوزا
غير منطقى فى تصرفاتى!! عندها من فضلك أعطني بعض الوقت وبعض الصبر لتفهمني، وعندما ترتعش يدي فيسقط طعامي على صدري، وعندما لا أقوى على لبس ثياب
فتحلى بالصبر معي .. وتذكر سنوات مرت وأنا أعلمك ما لا أستطيع فعله اليوم !!
إذ حدثتك بكلمات مكررة وأعدت عليك ذكرياتي فلا تغضب وتمل فكم كررت من أجلك قصصا وحكايات فقط لأنها كانت تفرحك !! وكنت تطلب مني ذلك دوما وأنت صغير !!! فعذرا حاول ألا تقاطعني الآن
إن لم أعد أنيقا جميل الرائحة !!!
فلا تلمني واذكر فى صغرك محاولاتى العديدة لأجعلك أنيقا جميل الرائحة.
لا تضحك مني إذا رأيت جهلي وعدم فهمي لأمور جيلكم هذا
ولكن كن أنت عيني وعقلي لألحق بما فاتني، أنا من أدبتك أنا من علمتك كيف تواجه الحياة، فكيف تعلمني اليوم ما يجب وما لا يجب ؟!!!
لا تملّ من ضعف ذاكرتي و بطئ كلماتي وتفكيري أثناء محادثتك، لأن سعادتي من المحادثة الآن هي فقط أن أكون معك !!!
فقط ساعدني لقضاء ما أحتاج إليه فما زلت أعرف ما أريد !!!
عندما تخذلني قدماي في حملي إلى المكان الذي أريده
فكن عطوفا معي وتذكر أني قد أخذت بيدك كثيرا لكي تستطيع أن تمشي، فلا تستحيي أبدا أن تأخذ بيدي اليوم فغدا ستبحث عن من يأخذ بيدك.
في سني هذا إعلم أني لست مُـقبلا على الحياة مثلك
ولكني ببساطة أنتظر الموت !!! فكن معي .. ولا تكن عليّ !!
عندما تتذكر شيئا من أخطائي فأعلم أني لم أكن أريد دوما سوى مصلحتك، وأن أفضل ما تفعله معي الآن أن تغفر زلاتي، وتستر عوراتي، غفر الله لك وسترك
لا زالت ضحكاتك وابتسامتك تفرحني كما كنت صغيرا بالضبط فلا تحرمني صحبتك !!!
*كنت معك حين ولدت فكن معي حين أموت *
تعليقات
إرسال تعليق