سألت الطفلة جوايا
عاوزة إيه يا غزاله
قبل ما تنزلي تتوهي
في دنيا مالها بداية
قالت لي أنا عاوزة الراحة
وناس تعاملني بالراحة
واللين دا أساس بصراحة
داالشدة معايا ما بتجبشي
حتي معروفة من اسمي
غزاله والكل عارفني
في كل شيء أنا حكاية
ربي خالقني صفة لاسمي
وإللي يشوفني بيسمي
يقول ماشاء الله غزاله
كل قرايبي حافظني
تربية أبويا من صغري
محفورة في قلبي والنني
قال الدنيا دي لينا رسالة
والجسد للدود في نهاية
والروح د عايشة لغاية
ماتلقي الله تبقي بداية
يا جنة يا نار بلا نهاية
عشان كدا أنا رسالة
من ميلادي هدفي وغاية
رضي ربي عني وعشمانة
أنول شفاعة وسقايه
من ايد رسول الله كفاية
ويزيدني الله من فضله
رؤية وجهه والله مناية
ليا وليكم والله دعاية
كلنا في الجنة نتلاقي
_____________
بقلم 🖊️ الأديبة الصحفية غزاله عطيه
تعليقات
إرسال تعليق