حكايه وراء كل باب (حب الصدقات) _ البوابة الاخباريه نيوز

  الاعلاميه عزه ساري 

في يوم من الايام كنت قاعده لوحدي في البيت ما كانش عندي اكل ولا معايا فلوس غير شويه فكه وربنا عالم انا مش عارفه اعمل اكل ايه لولادي وكان معيه اربع اولاد اللي جاي من المدرسه وعاوز ياكل واللى مستنى اعمل اكل والحال ضيق جدا علينا بشكل يعلم بيه ربنا المهم انا كان من وقت للتاني بيعدي عليا واحده بتخبط على الباب بديها اللي فيه النصيب خبطت في اليوم ده وانا قاعده اصلا مش عارفه اعمل ايه بصيت من العين السحريه لقيتها هي قلت يا رب عمرها ما جت وكسرت بخاطرها اعمل ايه دلوقتى والشيطان عمال يقولى ماتفتحيش وضميرى بيانبى المهم فتحت وماقدرتش اخالف ضميرى وقفت كده ابص لها ودخلت ادور في البوك بتاعي ما لقيتش غير شويه فكه عملوا تقريبا 5 جنيه المفروض اني اكون اجيب بيها شوية فول ناكلها بس ما قدرتش اردها رحت مديهم لها وفضلت قاعده بقى مش عارفه هعمل اكل الي لاودي والدنيا هتمشي ازاي وبيني وبينكم شايله هموم الدنيا كلها وحزينه لحد ما ابني الكبير اللى كان لسه فى اولى اعدادى جاه ودخل ايه يا ماما ما فيش حاجه تتاكل بصيت له كده قلت له لا بس في حته جبنه ممكن تاخد منها حتى صغيره تاكلها برغيف وتسيب الباقى لاخواتك قال لي يا ماما يعني احنا هنقعد كده كثير قلت له معلش يا حبيبي لقيته بيقول لي طب كنت حتى هاتي شويه فول قلت له والله كنت هعمل كده بس الفلوس اللي كانت معايا طلعت مش من نصيبنا وطلعت لصاحب نصيبها فبيقول لي يا ماما حتى وانت ما معكيش قلت له يا حبيبي ما ناقصت صدقه من مال وخلي بالك اللي عند ربنا ما بيضعش ضحك وقالى هاتفضلى كده مش هاتتغيرى وجه اخواته وكل واحد عمل له لقمه كده بحته جبنه وتعشيوا والحمد لله وشايله هم ثاني يوم وكان الهم مالي تفكيري المهم وانا قاعده كده لقيت اخويا اللي بقاله كثير قوي ما بيجيش عندي لقيته داخل وبيخبط عليا فرحت ورحبت بيه وكان نفسي اعزم عليه بعشا بس للاسف زي ما قلت لكم ما عنديش حاجه المهم عملت له كوبايه شاى واللى ماكنش عندى حاجه تتقدم غيره المهم قعدت قاعد يتكلم معايا شويه في وسط الكلام لقيته بيطلع رزمة فلوس وبيقول لي خذي يا اختي اقول له انا معايا مستوره الحمد لله مش ناقصنا حاجه قال لي خدي بس انا اصلي بعت حته ارض كانت عندي ودي الحلاوه المهم انا ما بقتش عارفه اقول ايه واعمل ايه واشكر عرفان ربنا عليا ازاي لان فضل الله عليا كريم دايما ساترني مهما ضاق بيا الحال دائما ربنا ساتر معيه المهم اخذتهم وهو قال لي راضي ولادك كل واحد بحاجه وفرحيهم قلت له حاضر رحت فعلا مراضيه ولادي الاربعه وقمت ثاني يوم نزلت السوق جبت من جميع خيرات ربنا ومليت بيتي ومش عايزه اقول لكم يعني الاحساس اللي انا كنت حسيت لقيت ابني بيبص لي وبيقول لي هو انت يا امي في بينك وبين ربنا حاجه يعني قلت له يا حبيبي ما جزاء الاحسان الا الاحسان واللي عند ربنا ما بيضيعش والحسنه بعشر اضعاف وهو ده اللي ربنا بيعمله معايا دايما عمري ما استخسرت جنيه يكون طالع لله مهما كانت حالتي وده اللي لازم تتعلموه اي حد يخبط على بابك لازم تدي له زي ما ستكم الله يرحمها كانت بتعلمني كانت دايما تقول لي لو جالك ركاب الخيل وفي ايديه قوالب دهب وسالك ادي له مما اعطكى الله واتاكدي تمام ان ربنا هيرد لك اللي دفعتيه لله اضعاف مضاعفه وانا ماشيه على كده طول عمري وعمري ما هتغير وعايزاكوا انتم كمان تعملوا كده وتعلموا اولادكم كده يمكن انا معيش لهم ولا اعرف اعلمهم بس معلمكوا انتم كويس ومربياكم كويس لقيت ولادي ربنا يبارك فيهم اللي بس على ايدي واللي بس على راسي وقال لي يا امي انت ربتي احسن تربيه وربنا يبارك لنا فيكى ومن هنا عايزه اقول لكم علموا اولادكم علموا اولادكم الصداقات الصداقات بترجع لينا برحمات ولكم جميعا كل الشكر على الكلام الجميل اللي بسمعه منكم في الرسائل والتعليقات وانتظرو كل اسبوع حكايه...وياريت اللى عنده حكايه يبعتها